GWERZ AR MAMMOÙ

GWERZ AR MAMMOÙ

Kanaouenn bet savet war skouer Gwerz ar Vezhinaerien (Denez Abernot)

Na p’hor boa klevet ar c’heleier

E rankje mont kuit merc’hed kaezh

Da wilioudiñ gwall bell diouzh Karaez

Ne voe ket mui a vuhez er parkeier

O lan di ran di ro

O lan di ran di ro

O lan di ran di ro

Na p’hor boa-ni na klevet ar c’heloù

E rankemp mont war-du Karaez

Kerkent ha peurechuet an devezh

E savas spi en hor c’halonoù

Kar ar faks zo erruet e Kreiz-Breizh

Zo ur faks gwall vil ha kalet

Merc’hed ar vro, pa vint dougerez,

A ranko gwilioudiñ en un ti klet

Ar maer yaouank dirak an dud a lâr

Ez eus un diskoulm da gavout

Hag un aotrou all c’hoazh, gwall helavar

E rankomp-holl kement tra gouzout

An hini en deus graet ar belleilenn

N’en deus ket gwelet alies

Mammoù fuloret, na merc’hed a benn,

O plantañ freuz ha reuz war ar maez

Maouezed o deus bet graet ar vicher

Da droc’hañ krak ar funigoù

A-hed o buhez e Karaez-Plougêr

A stourmo asambles gant ar mammoù

Gwenn-Ael ar C'helleg
Karaez-Plougêr, d'an 31 a viz Mae 2008